上帝的團契    本週主日講道2021/5/2        約翰福音五：1-9      講道者：舒度大達牧師

列位兄姊大家平安，今仔日非常歡喜，會凍呷大家作伙敬拜咱的上帝，也嘛感謝主賞賜這款的機會kap大家說多謝。久長以來，咱教會對原住民神學教育的事工，有真好的幫助，佇遮代表總會向咱的教會說一聲感謝，願上帝祝福咱的教會kap每一位愛主的兄姊。玉山神學院是為原住民教會訓練牧者，發展到今，伊所裝備的教
會領袖kap原住民部落的領袖不只仔多，原住民的教會無論在山頂，山腳，海岸，都市，甚至海島，攏有真好的發展。這是值得咱獻上感恩kap歡喜的代誌。為著按呢，我要用一首布農族的福音詩歌，來獻上我對上帝呷咱的教會的感謝，嘛深深感受到，有上帝真好，有咱深美教會真好。此首詩歌的歌名是唱出希望。
相聚在這個地方，真是不簡單，多少個窮年累月，今天還能再見面，經過了千里迢迢，走過了萬叢山，渡過了百般試煉，在此相互勉勵。
嗨喲呀嘿喲咿喲，嘿喲伊喲嘿，把我們的理想，用歌聲唱出來。
嗨喲呀嘿喲咿喲，嘿喲伊喲嘿，把我們的希望，分享每一個人。

貳、本論
列位兄姊，佇玉山神學院的創校歷史中，平地教會是咱尚好的厝邊和同伴，在早期，有多多平地教會的牧師成為玉山神學院的開拓者，親像高俊明牧師kap楊啟壽牧師。這攏是玉山神學院會凍安穩發展尚主要的時期，滿心感謝kap繼續邀請大家成為原住民神學教育聖工的同伴。願上帝祝福咱，祝福咱的宣教事工。
列位兄姊，此時，咱來看今仔日所讀的經文，是記載主耶穌怎樣

醫治一個破病久久的人的故事。耶穌是怎樣幫助伊、協助伊，以及乎伊有氣力復爬起來、重新勇敢面對伊的生命。經文的故事，就是教示咱怎樣起造上帝的團契，今仔日牧師邀請大家來作伙思考和學習，乎咱信仰的生命，呷信仰生活的見證，會凍成為一個福氣的生命呷生活。
一，上帝的團契是起造一個有醫治，更新和盼望的生命佇新約聖經中有真多的所在，攏有相款記載有關主耶穌基督醫治病人的故事。總是這段聖經互咱有活活的見證，教示咱怎樣起造咱的信仰生命，成為主耶穌正港的學生，榮光祂的名和利益眾人。經文有按呢講：「佇猶太人的一個節期，主耶穌祂來到耶路撒冷。主耶穌祂就來到ㄧ個叫羊門的地方，在那裡有一個水池，當地的人叫這個水池，叫畢士大…….，每一天有多多的病人聚集佇彼。」
為什麼耶穌佇猶太人的一個尚重要的節期內底，沒入去聖殿內，kap 猶太人的宗教領袖作伙敬拜上帝，反轉出現佇多多破病的人kap小小的畢士大水池中間？因為畢士大此個所在是一個有醫治，會凍乎人更新生命kap盼望的所在。話說，這個水池的水，上帝不時差遣伊的天使互水池的水攪（la）互伊陣動，水池的水震動的時，頭一個落水的人，伊無論患著什麼款的病攏會凍好。所以當時有多多病痛的、身體欠安的、殘障的人，攏會想辦法來到此個所在，佇彼等候水池
的水震動，期待in的病會凍好，生命會凍更新。
畢士大水池的確是此個有醫治，互人有盼望kap賞賜人有更新生命的所在，所以耶穌出現佇彼。列位兄姊，咱所起造的家庭，社區和教會，豈是親像畢士大水池此款的所在，有醫治，互人有盼望kap賞賜人有更新的生命的所在，若是按呢，我相信，咱的救主耶穌嘛豎在咱的中間，阿們嗎？
二，上帝的團契要成為耶穌基督拯救的手
今仔日的聖經，是按呢kap咱說，當主耶穌來到水池邊的時，伊看見多多病人倒佇彼（hia），中間有一位已經破病倒佇彼（hia）38年的人。主耶穌看著伊，就來到伊的面前講：「你愛得到好嗎？」那個病人對主耶穌應說：「主啊，水振動的時，無人通扶我落池；到我來的時，別人代先我落去啦。」列位兄姊，畢士大是一個有醫治，有盼望kap有拯救的所在；為什麼猶原有一個破病38年倒佇彼（hia）沒人幫忙？咱想看麥，這段經文乎咱無什麼款的教示？對我來看，這是互咱基督
徒真好的信仰提醒。畢士大雖然是一個有醫治，有盼望kap有拯救的所在，總是咱要知道，咱若是不能成為耶穌拯救的手，咱所起造的團契，猶原親像經文所說的，破病38年倒佇彼（hia）沒人幫忙，佇彼等候別人的幫忙。
列位兄姊，今仔日的社會充滿功利kap自私，條件好的人永遠會凍得到閣卡多的資源kap閣卡好的機會，條件歹的人，永遠佇彼等候別人的幫助kap支持。這是尚現實的代誌，耶穌的時代是按呢，今仔日的咱，嘛是按呢。上帝的團契若不能為耶穌基督拯救的手，咱教會的宣教事工就空空虛華無價值，
嘛不能成為別人的福氣kap盼望的記號。
三，上帝的團契要放拺自己的舖仔（pho-a）

主耶穌就對伊說：「起來，夯(gia)你的舖仔（pho-a）去行！」彼個人即時好，從彼時開始，伊就脫離了38年久不能自由行動的苦境。
列位兄姊，舖仔（pho-a）是互這破病38年久安心起居的所在，舖仔（pho-a）嘛是乎這破病38冬的人，袂凍起立走路的物件。這破病38冬的人若無遵趟耶穌的話，夯(gia)你的舖仔（pho-a）去行，我相信伊猶原佇彼倒啲，袂凍領受新的生命，起來行路。其實，咱每一個人攏有自己的舖仔（pho-a），這舖仔（pho-a）可能是咱的傳統，咱的規矩，咱的工作，咱的名聲kap地位，甚至是咱的價值觀，意識型態kap自私的心理，這等等的舖仔（pho-a）可能會凍互咱有真好的生活品質kap經
濟的水準。列位兄姊，此款的舖仔（pho-a）嘛有可能阻擋咱親近上帝，阻擋咱袂凍成為別人的福氣，佇信仰生命內底親就破病38冬的人同款，倒佇彼袂凍行路。
今仔日耶穌愛咱夯(gia)咱自己的舖仔（pho-a）去行，咱的確親像破病38冬的人同款，咱夯(gia)咱的舖仔（pho-a）去行，放拺咱的舖仔（pho-a）成為上帝國福音的祿用kap工具。

參、結論
親愛的兄姐，今仔日主耶穌的話嘛閣一擺來提醒咱：上帝的團契是要咱起造一個有醫治，會凍互人更新kap盼望的生命，嘛互咱為主耶穌拯救的手，尋求需要咱幫忙的人，成為弱勢人的同伴kap幫忙；若是會凍按呢，我相信咱嘛會凍放拺咱自己的舖仔（pho-a）去行，成為上帝團契正港的百姓。